117-р сургуулийн нүүрсэн зуухыг хийн түлшний зуухаар шинэчилсэн төсөл
Төслийн ерөнхий тойм
Байгаль орчин, уур амьсгалын өөрчлөлтийн яамны болон Засгийн газрын дэмжлэгтэйгээр хийн зуух, халаалтын системийг татварын хөнгөлөлтөд хамруулах түүхэн шийдвэр хэрэгжиж эхэлснээс хойшхи хамгийн үлгэр жишээ, нийгмийн хариуцлагат төслүүдийн нэг нь Чингэлтэй дүүргийн 117 дугаар сургуулийн түүхий нүүрсэн галлагаатай зуухыг хийн түлшний нэгдсэн системд шилжүүлсэн ажил юм. Төслийг "Бороо Гоулд" ХХК-ийн нийгмийн хариуцлагын хөрөнгө оруулалтаар санхүүжүүлж, "Газком" ХХК захиалагчаар ажилласан бөгөөд "Элит Эл Пи Жи" ХХК ерөнхий гүйцэтгэгчийн хувиар инженерингийн бүрэн шийдэл, угсралтын ажлыг гардан гүйцэтгэсэн.
Чингэлтэй дүүргийн энэ сургууль өмнө нь жилд 580 тонн (сар бүр 30–40 тонн) түүхий нүүрс түлдэг байсан бөгөөд халаалтын зуухыг шингэрүүлсэн хийн системд шилжүүлснээр нүүрсний хэрэглээг 100% бүрэн зогсоосон. Үүний үр дүнд жил бүр агаарт цацагдаж байсан 2,320 тонн орчим хорт бодис (тоосонцор, хүлэмжийн хий, хүхэрлэг болон угаарын хий) ялгарахаас бүрэн сэргийлэгдсэн бөгөөд сурагчид эрүүл, аюулгүй, тав тухтай орчинд суралцах боломжтой болсон.
Төслийн хүрээнд Монгол орны хатуу ширүүн уур амьсгалын нөхцөлд тохирсон, 1.8 тонн багтаамжтай босоо байрлалтай шингэрүүлсэн хийн (LPG) хадгалах сав, өндөр даралт тэсвэрлэх шугам хоолой, автомат аюулгүйн хамгаалалт бүхий тоног төхөөрөмжийн иж бүрдлийг суурилуулж, олон улсын стандартад нийцсэн, өндөр үр ашигтай хийн зуухны системийг 2026 оны 1 дүгээр сарын 19-ний өдөр бүрэн ашиглалтад оруулсан.
Захиалагч
"Газком" ХХК
Хөрөнгө оруулагч
"Бороо Гоулд" ХХК
Ерөнхий гүйцэтгэгч
"Элит Эл Пи Жи" ХХК
Хууль эрх зүйн үндэслэл
Аж ахуйн нэгжийн орлогын албан татварын тухай хуулийн 22.9 дэх заалт (баталсан: 2024.08.30, мөрдөж эхэлсэн: 2025.01.01)
Project Goal
Түүхий нүүрсэн галлагаатай хуучин зуухыг татан буулгаж, автоматжуулсан хийн халаалтын системээр орлуулах
Сурагчид, багш, ажилтнуудад дулаан, аюулгүй, эрүүл орчинд суралцах, ажиллах нөхцөлийг бүрдүүлэх
Нийслэлийн агаарын чанарыг сайжруулах засгийн газрын бодлогод хувь нэмэр оруулах
Татварын хөнгөлөлтийн хөтөлбөрийг бодит үр дүнтэй, олон нийтэд ил тод хэрэгжүүлэх жишээ болгох
Project Scope
Хуучин нүүрсэн зуухны байрыг бүрэн демонтаж, цэвэрлэгээ хийх
Гадна орчинд 1.8 тонны багтаамжтай босоо LPG хадгалах сав суурилуулах
Хийн шугам хоолойн шинэ трасс татах, газар шорооны ажил гүйцэтгэх
Зуухны байрны металл хийцийн бүтээц угсрах, дулаалга, хийцийн ажил гүйцэтгэх
Олон нэгжтэй хийн зуухны систем, насос, удирдлагын самбар суурилуулах
Аюулгүй ажиллагааны хашаа, дохиолол, анхааруулах тэмдэг байршуулах
Системийг турших, комиссын шалгалт өгч, ашиглалтад хүлээлгэн өгөх
Engineering Solution
Төслийн хүрээнд хэрэгжүүлсэн техникийн шийдлүүд.
1.8 тонны багтаамжтай босоо LPG савыг олон улсын стандартын дагуу гадна орчинд суурилуулж, температурын хэлбэлзэлд тэсвэртэй байдлаар хийцлэв
Rinnai брэндийн, олон улсын гэрчилгээтэй хийн зуухнуудыг эгнээгээр угсарч, ачааллыг тэнцвэржүүлсэн, нөөцлөлт бүхий систем бүрдүүлэв
Насос, вентил, даралт хэмжигч, автомат таслах хаалт зэргийг нэгдсэн удирдлагын самбарт холбож, алсын хяналт тавих боломжтой болгов
Хийн мэдрэгч, гэнэтийн ослын таслах хаалт зэрэг олон давхаргат хамгаалалтын системийг суурилуулав
Key Benefits
Хүлэмжийн хийн болон утаа тортогны ялгарал эрс буурсан
Нүүрс тээвэрлэх, үнс хог зайлуулах өдөр тутмын ажиллагаа шаардлагагүй болсон
Автомат систем нь гар ажиллагаанаас хамаарах эрсдэлийг бууруулсан
Урт хугацааны засвар үйлчилгээ, ашиглалтын зардал буурсан
Дулааны алдагдал багасч, эрчим хүчний хэмнэлт нэмэгдсэн
Environmental Impact
РМ2.5, РМ10 зэрэг хатуу тоосонцорын ялгарал мэдэгдэхүйц буурсан
Сургуулийн эргэн тойрны агаарын чанар сайжирч, утаагүй орчин бүрдсэн
Нийслэлийн агаарын бохирдолтой тэмцэх бодлоготой уялдсан, байгаль орчинд ээлтэй технологи нэвтэрсэн
Нүүрсний үнс, хог хаягдлын хэмжээ бүрэн арилсан
Техникийн үзүүлэлтүүд
Төслийн хүрээнд суурилуулсан систем, тоног төхөөрөмжийн үндсэн үзүүлэлтүүд.
Safety Standard
Ажлын бүх шатанд мөрдсөн аюулгүй ажиллагааны шаардлага.
Гал түймрийн аюулгүй байдлын MNS стандартын дагуу тэмдэг тэмдэглэгээ байршуулсан
Тамхи татах, ил гал гаргахыг хориглосон бүсийг тодорхой тусгаарласан
Гадны хүний нэвтрэлтийг хязгаарласан хамгаалалтын хашаа, торон хайс суурилуулсан
Хийн алдагдал илрүүлэх мэдрэгч, автомат таслах хаалтын системтэй
Ажиллах баг бүрэн хамгаалалтын хувцас, хэрэгслээр ханган ажилласан
0 т
Нүүрсний хэрэглээ зогссон /жилд/
0 т
Хорт бодисын ялгарлаас сэргийлсэн
0.0 т
LPG хадгалах сав
0%
Хийн түлшинд шилжсэн
Төслийн цаг хугацааны хэлхээс
Судалгаанаас эхлээд ашиглалтад хүлээлгэн өгөх хүртэлх үе шатууд.
Төлөвлөлт
Хуучин зуухны байдалд үнэлгээ хийж, техник эдийн засгийн үндэслэл, зураг төсөл боловсруулсан.
Инженерчлэл
LPG сав, шугам хоолой, хийн зуухны системийн инженерийн тооцоо, зураг төслийг эцэслэсэн.
Угсралт
Хуучин зуухыг демонтаж хийж, шинэ хийн хангамжийн шугам, тоног төхөөрөмжийг угсарсан.
Туршилт
Даралтын шалгалт, аюулгүйн систем, автомат удирдлагыг бүрэн туршиж баталгаажуулсан.
Ашиглалтад хүлээлгэн өгөх
Комиссын шалгалтад хамрагдаж, нээлтийн ёслолын ажиллагаагаар албан ёсоор ашиглалтад оруулсан.
Project Gallery — ажлын явц
Судалгаанаас эхлээд ашиглалтад хүлээлгэн өгөх хүртэлх бодит зургууд.
СудалгааХуучин нүүрсэн зуухны байрны техникийн байдалд урьдчилсан үнэлгээ хийж буй инженерийн баг.
СудалгааТүүхий нүүрсээр галладаг хуучин зуухны төлөв байдал — солих ажлын үндэслэл болсон анхны нөхцөл байдал.
СудалгааЗуухны байрны дотоод тоног төхөөрөмж, шугам хоолойн хуучин холболтуудыг нягтлан шалгасан.
ДемонтажГидравлик тоног төхөөрөмж ашиглан хуучин суурь, бетон хийцийг эвдэж, шинэ угсралтын талбайг бэлтгэсэн.
УгсралтӨвлийн хүйтэн улиралд экскаватор ашиглан хийн шугамын траншей ухаж, газар шорооны ажлыг гүйцэтгэсэн.
УгсралтХийн шугам хоолойг стандартын дагуу байрлуулж, хамгаалалтын хашаагаар тохижуулсан талбай.
УгсралтLPG савны хамгаалалтын байшингийн металл хийцийн бүтээцийг бетон суурин дээр угсарч буй баг.
Аюулгүй ажиллагааСтандартын дагуу байршуулсан гал түймрийн аюулгүй байдал, тамхи татахыг хориглох анхааруулга тэмдэг тэмдэглэгээ.
УгсралтRinnai брэндийн олон нэгжтэй хийн зуухнуудыг эгнээгээр угсарч, шугам холболтыг гүйцэтгэсэн байдал.
ТуршилтНасос, вентилийн өрөөний угсралтыг дуусгаж, даралтын шалгалт, туршилтын горимд бэлтгэсэн.
Комисс"Дулаан сургууль, цэвэр агаар" нэртэй хийн халаалтын нэгдсэн системийн нээлтийн ёслолын ажиллагаа.
ДүнШинэчлэгдсэн дулаан хангамжийн системтэй, 117 дугаар дунд сургуулийн гадна төрх.
ДүнАшиглалтад бүрэн орсон Rinnai хийн зуухнуудын иж бүрэн угсралт — шар өнгийн хийн шугам, шугам хоолойн нарийвчилсан холболт.
ДүнRinnai зуухны нэгжүүд болон дулаан солилцуур, насосын системийн иж бүрэн угсралтын дүн.
ДүнДулаан хангамжийн системийн шугам хоолойн манифолд, өнгөөр ялгасан хийн, дулааны шугамын нарийвчилсан холболт.
ДүнАюулгүй ажиллагааны дохиолол, анхааруулга тэмдэглэгээ бүхий LPG савны хамгаалалтын хашааны гадна тохижилт.
КомиссНийслэлийн ерөнхий боловсролын 117 дугаар сургуулийн гадна харагдах байдал — нээлтийн ёслолын үеэр.
ДемонтажЭкскаватор ашиглан хуучин нүүрсний зуухны хашааг буулгаж, талбайг бэлтгэж буй байдал.
ДемонтажХуучин нүүрсний хадгалалтын зайг цэвэрлэж, шинэ угсралтын орчинг бэлтгэсэн.
ДемонтажНүүрсний үлдэгдлийг зайлуулж, шинэ хийн системийн суурийн ажлыг эхлүүлсэн.
Project Result
Системийг 2026 оны 1 дүгээр сарын 19-ний өдөр чанарын өндөр түвшинд бүрэн ашиглалтад хүлээлгэн өгсөн
Жилд 580 тонн түүхий нүүрсний хэрэглээг 100% зогсоож, 2,320 тонн орчим хорт бодисын ялгарлаас сэргийлсэн
Нээлтийн ёслолын ажиллагааг сургуулийн удирдлага, хамт олон, хөрөнгө оруулагч талуудын хамтаар зохион байгуулсан
Сургуулийн сурагч, багш ажилтан шинэ, аюулгүй дулаан хангамжид бүрэн хамрагдсан
Future Impact
Уг төслийг загвар болгон бусад ерөнхий боловсролын сургууль, цэцэрлэгүүдэд өргөжүүлэн хэрэгжүүлэх боломжтой
Татварын 1%-ийн хөнгөлөлтийн хөтөлбөрийг ашиглан нийгмийн хариуцлагатай хөрөнгө оруулалтыг татах загвар кэйс болсон
Улаанбаатар хотын агаарын бохирдолтой тэмцэх урт хугацааны стратегид тодорхой хувь нэмэр болсон
Хэвлэл мэдээллийн сурвалжлага
Төслийн үр дүн, нийгмийн ач холбогдлыг хэвлэл мэдээллийн хэрэгслүүд онцолсон.
Таны төслийг хамтдаа хэрэгжүүлье
Хийн хангамж, LPG систем, барилгын халаалтын шийдэл хэрэгтэй бол манай мэргэшсэн инженерүүдтэй холбогдоорой.